Бэлиитикэ Уопсастыба

Дьокуускай дьаһалтатыгар куораты салайар киин аһылынна

Ахсынньы 1-2 күннэригэр Дьокуускай куоракка «Судаарыстыбаннай салайыы. PRO дьон» диэн салайааччыларга аналлаах форум буолла.

Бүгүн «Эрэгийиэннэри салайар кииннэр:  олох хаачыстыбатын туспарыыга  үлэлээһин» диэн сиэссийэҕэ Саха сирин эрэгийиэни салайар киинэ  үлэтин сүрүн түмүктэрин  таһаарда уонна Дьокуускай дьаһалтатыгар куораты салайар саҥа киини билиһиннэрдэ.  Кинилэр билиһиннэрбиттэринэн,  өрөспүүбүлүкэ үрдүнэн саамай элбэх  этии Дьокуускай куорат олохтоохторуттан  араас хайысхаҕа киирэр эбит. Куорат баһылыга Евгений Григорьев  Дьокуускай уокуругун дьаһалтатын иһинэн   куораты салайар киин аһыллыыта   олохтоохтору кытта хардарыта сибээһи, кэпсэтиини сүрүннүө диэн быһаарда. «Киин үлэтин саҕалаата.  Дьокуускай куораты көдьүүстээхтик, аныгылыы көрөн салайарга сүрүнүнэн буолуоҕа», — диэн Евгений Григорьев санаатын үллэһиннэ.

Саха сиринээҕи эрэгийиэни салайар киин салайааччыта Василий Десяткин  тустаах кииннэр судаарыстыбаннай салайыы систиэмэтин уларытар, саҥардар аналлаахтарын, соруктаахтарын туһунан иһитиннэрдэ.

 

Александр Тарасов, «Саха сирэ» хаһыат, edersaas.ru

 

0
0