Айылҕа харыстабыла

Дьокуускай аннынан муус ыам ыйын 20 күнүн диэки устара сабаҕаланар

Бу күннэргэ Өлүөнэ өрүскэ муус хамсааһына Иркутскай уобаласка уонна Өлүөхүмэ улууһугар бэлиэтэнэр. Көмүөл алын кирбиитэ Киренскэй оройуонун Коршуново сэлиэнньэтин аннынан 15 км устар (Киренскэй куораттан 241 км.). Өрөспүүбүлүкэ кыраныыссатыгар диэри 201 км хаалбыт.

Муус үөһэ кирбиитэ Киренскэй оройуон Орлово сэлиэнньэтин таһыгар хамсыыр. Өрөспүүүлүкэ кыраныыссатыттан– 327 км. Муус 126 км. тайыыр.  Сууккаҕа 156 км. сыҕарыйбыт.

Витим таһыгар хамсааһын бэлэтэнэр, таһыма 190 см. Өрүс кутталлаах таһымынан 950 см. ааҕыллар.

— Ленскэй куорат таһыгар мууһу өрө анньыбыт, таһыма 185 см. Өрүс кутталлаах таһымынан 1760 см. буолар (даамба үрдүн учуоттаан). Оттон Өлүөхүмэ улууһун Хоро нэһилиэгин аттыгар бэлиэтэммит (өрүс төрдүгэр диэри 2193 км, Дьокуускайтан 555 км), уу таһыма 4 чаас иһигэр 200 см үрдээбит. Кутталлаах таһымынан 1000 см ааҕыллар. Муус хойуутук хамсыыр.

Муус үөһэ кырыыта Солянка сэлиэнньэттэн 5 км үөһээ бэлиэтэммит, (өрүс төрдүттэн 2238 км), муус күүскэ хамсыыр.

Өлүөхүмэ куорат таһыгар ырбыы көстөр, уу таһыма 642 км үрдээбит. Кутталлаах таһым — 1350 см.

Дьокуускай аннынан көмүөл ыам ыйын 20 күнүгэр кэлэрэ сабаҕаланар.

«Саха сирэ» хаһыат, edersaas.ru

Хаартыска sakha.gov.ru

 

0
0