Дьокуускай — Аллараа Бэстээх хайысханан сылдьар аэробот төлөбүрэ үрдүөҕэ
Сэтинньи 6 күнүттэн Дьокуускай — Аллараа Бэстээх хайысханан сымнаҕас олбохтоох суудуналар дьону 3000 солк. таһыахтара.
Бу туһунан дьону таһыынан дьарыктанар хампаанньа дириэктэрин солбуйааччы Борис Строев: “Муус туруутун балаһыанньата кытаатта. Кыдьымах үөскээбитин түмүгэр, сымнаҕас олбохтоох 6 суудуна алдьанна. Сэтинньи 6 күнүттэн 5 аэробот дьону таһыахтара. Бу тэриллэр дьону арыыга диэри таһыахтара, салгыы кинилэри сымнаҕас олбохтоох суудуналар илдьиэхтэрэ. Аэроботтар муус үчүгэйдик туруор диэри дьону таһыахтара. Барыта этэҥҥэ буоллаҕына, биир өттүгэр барыы сыаната 1500 солк. диэри түһүөҕэ”, — диэн иһитиннэрдэ http://news.ykt.ru.
Сэтинньи 3 күнүттэн ити хайысханан сырыыга биир өттүгэр барыы сыаната 2000 солк. буолбута. Сезон саҕаланыаҕыттан 20 суудуна дьону таһар.
edersaas.ru