Дьокуускай аэропуордугар дьон сынньанарыгар төлөбүрдээх хос аһылынна

Дьокуускай аэропуордун стерильнай зонатын иккис этээһигэр сөмөлүөтү күүтэргэ бары өттүнэн табыгастаах уопсайа 24 киһи киирэн сынньанарыгар анаммыт үрдүкү кылаастаах төлөбүрдээх хос аһылынна. Манна сымнаҕас дьыбаан, остуол, тэлэбииһэр, Wi-Fi, кондиционер, сибиэһэй хаһыат-сурунаал айанньыттары күүтэр. Ону таһынан, шведскэй остуол бэрээдэгинэн, кыраадыһа суох утах, сокууска биэриэхтэрэ.   

Бу өҥөнөн Priority Pass кулууп чилиэннэрэ, Аҕа дойдуну көмүскүүр сэрии бэтэрээнэ биир арыаллааччытын кытта дьыл хайа баҕарар кэмигэр уонна харчы төлөөбүт дьон туһаныахтара. Ол туһунан Дьокуускай аэропуордун пресс-сулууспатыгар иһитиннэрдилэр.

«Саха сирэ» хаһыат, edersaas.ru