Бүгүҥҥүттэн, ыам ыйын 24 күнүттэн, 625 миэтэрэ усталаах балаһа учаастага тутар-таҥар үлэнэн сибээстээн сабылынна. Бу кэмҥэ аэропорт үлэтэ 1628 миэтэрэлээх балаһа учаастагар эрэсиим быһыытынан салҕаныаҕа.
Салгынынан сырыыны «Якутия», «Алроса», «Сибирь/S7», «Ираэро» уонна «Уральские авиалинии» авиахампаанньалар Boeing-737-700, Embraer-170 LR, Sukhoi Superjet 100 уонна Airbus 319 салгын суудуналарынан хааччыйан сырыылары оҥороллор. Аэропорду саҥардыы өрөспүүбүлүкэ иһинээҕи рейстэр араспысаанньаларыгар дьайбат.
Ону тэҥэ, аэропорт, сир уонна хааччыйыы (обслуживание), терминалга таһаҕаһы бэрийиини киллэрэн туран, өрөмүөн үлэтэ хомуурга (сбор) уонна тарыыпка дьайбат. Быһааран эттэххэ, “Дьокуускай” аэропорт таһаҕаһы бэрийэр уонна ыытарга бэлэмниир, оттон ону таһыынан быһаччы авиахампаанньалар дьарыктаналлар. 1 киилэ таһаҕаһы таһыы сыанатын кинилэр быһаллар.
Быйыл “Дьокуускай” аэропордун балаһатыгар тутар-таҥар үлэни алтынньыга диэри оҥорор былааннаахтар. Аэропорду саҥардыы үлэтин кыраапыгын былаанын бырайыак судаарыстыбаннай сакаасчыта — “Гражданскай аэропортар (аэродромнар) дьаһалталара” ФГУП оҥорбута. “Дьокуускай” аэропордун аэродрома тустаах тэрилтэ бас билиитигэр баар.
Быйылгы 2021 сыл алтынньытыттан “Дьокуускай” аэропорт көтөр балаһа 3400 миэтэрэтин уһуна барыта туһаныллыаҕа.
“Дьокуускай аэропорт” АУо пресс-сулууспата.
Хаартыска: Саргылана САНДАР.