Дьокуускайга от ыйын 19 күнүгэр сарсыарда 5 чаас 23 мүнүүтэҕэ Новосибирскайтан биир суукка устата көппөккө турбут S7 хампаанньа сөмөлүөтэ кэлэн түстэ. Бэҕэһээ ойуур баһаардарын буруотуттан сылтаан, уонунан рейс сөмөлүөттэрэ кыайан көппөтөхтөрө.
Ол эрээри, бүгүн да сорох рейстэр хойутаан көтөр, кэлэр туруктаахтар. Ол хойуу буруо мэһэйдиириттэн тутулуктаах. Холобур, “Якутия” авиахампаанньа Иркутскайтан от ыйын 17 күнүн киэһэтигэр көтөн кэлиэхтээх рейсэ бүгүн сарсыарда кэлбит.
Аэропорт пресс-сулууспата иһитиннэрбитинэн, буруо кыратык да дьайҕардар эрэ, сөмөлүөттэр хаска көтөллөрүн биллэрэ туруохтара.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1