Дьокуускай куораттааҕы 3-с №-дээх балыыһа анаалыс түмүгүн СМС-иһитиннэриинэн биллэрэр буолла
Дьокуускай куораттааҕы 3-с №-дээх балыыһа коронавирус дьаҥын кэмигэр үлэтин туһунан сэбиэдиссэй Алена Нестеровна Сергеева кэпсиир.
«Бастатан туран, биһиги поликлиникабытыгар сыһыарыллыбыт пациеннар колл-киин үлэтин кытта көрсөллөр. Онон, биһиги бу үлэни тупсаран биэрдибит. Пациент колл-кииҥҥэ 507-211 эрийэн тиийиэн сөп, итиэннэ кинини эмтиир бырааска быһа тахсыан сөп. Оператор ахсаанын элбэппиппит, туспа кабинекка сарсыарда 8 чаастан киэһэ 18 чааска диэри сменанан үлэлииллэр.
ПЦР уонна ИФА анаалыһын түмүктэрэ дьоҥҥо СМС-иһитиннэриинэн тиийэр буолла. Бу пациент бириэмэтин харыстыырыгар туһаайан оҥоһулуна«, — диэн Алена Сергеева иһитиннэрэр.
Кини эбэн этэринэн, лабораторнай чинчийиигэ уочараты систиэмэлээбиттэр: толуон систиэмэтэ киирдэ, оператор уонна медсиэстэрэ ахсаанын элбэппиттэр. Эрдэ процедурнай кабинекка улахан уочарат буолар эбит буоллаҕына, билигин 5-7 киһиттэн элбээбэт.
Дьокуускай куораттааҕы 3-с №-дээх балыыһа пресс-сэкирэтээрэ
Яна Байгожаева.