Дьокуускай олохтоохторо «Спокойной ночи, малыши!» биэрии дьоруойдарын кытта көрсүөхтэрэ

Сэтинньи 10 күнүгэр 15.00 чаастан «Спокойной ночи, малыши» биэрии дьоруойдара Дьокуускайдааҕы оҕо балыыһатыгар эмтэнэр оҕолору кытта «Инстаграм» нөҥүө көрсөн кэпсэтиэхтэрэ. Быһа биэриига бүтүн Арассыыйаттан холбонуохтара. Оттон тэлэбиисэргэ эрэ көрөр Степашкабыт уонна Филябыт «Мир без слез» аахсыйаҕа кыттан, оҕолору сэргэхситиэхтэрэ.

Онон, сэтинньи 10 күнүгэр, Степашкаҕа уонна Филяҕа эпиир хас биирдии кыттыылааҕа дорооботун ыытыан, викторинаҕа кыттыан сөп. Хас биирдии сөптөөх эппиэккэ тэрийээччилэр уруһуйдуур тэриллэри бэлэхтиэхтэрэ.

Итиэннэ эпиир кэмигэр ВТБ баан Өрөспүүбүлүкэтээҕи 1-кы №-дээх балыыһаҕа туох тэрили бэлэхтээбитин билиэхпит. Бу аһымал бырагыраама чэрчитинэн ыытыллар көмө буолар.

Коронавирус пандемиятын кэмигэр бу баан оҕо балыыһаларын өйөөн, «Мир без слез» аахсыйаны тэрийдэ. Аахсыйа сүрүн сыалынан судаарыстыбаннай оҕо балыыһаларын тустаах тэрилинэн, эминэн хааччыйыы буолар.

Аахсыйаҕа кыттыһыҥ, быһа эпиири көтүтүмэҥ: @mirbezslez

edersaas.ru