Өрөспүүбүлүкэ баһылыга Дьокуускай куорат уонна Жатай сирдэригэр-уоттарыгар муниципалитеттар икки ардыларынааҕы ыксаллаах быһыы-майгы режимин биллэрдэ
Балаҕан ыйын 1 күнүгэр Саха сирин баһылыга Дьокуускай куорат уонна Жатай сирдэригэр-уоттарыгар муниципалитеттар икки ардыларынааҕы ыксаллаах быһыы-майгы режимин биллэрдэ. Бу муниципальнай тэриллиилэр эмиэ бэйэлэрин сирдэригэр ыксаллаах быһыы-майгы режимин киллэрдилэр.
“Бу Өлүөнэ өрүскэ уу таһыма намыһаҕын кытта сибээстээх. Маннык кыра уу циклинэн кэлэн ааһар уонна хас 10-12 сылга бэлиэтэнэр. Уу таһыма намыһаҕа 1985 сыллаахха бэлиэтэммитэ”, — диэн Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Алексей Колодезников иһитиннэрдэ.
Колодезников маннык балаһыанньа оннунан хаалыа диир, тоҕо диэтэххэ, Өлүөнэ өрүс үөһээ өртүгэр уу таһыма намыһах. “Биһиги Дьокуускай куораты уонна Жатайы уунан хааччыйар соруктаахпыт”, — диэн эттэ кини.
Уу таһыма намыһаҕыттан сибээстээн, кыһыҥҥы кэмҥэ уу түгэҕэр диэри тоҥуон сөп. Ол иһин куорат туһанааччыларын уунан бигэтик хааччыйар туһуттан күһүҥҥү-кыһыҥҥы кэмҥэ Водозабор оройуонугар уу түгэҕин дириҥэтэр үлэ эрдэттэн ыытыллыаҕа. Маны сэргэ дириҥэтэр үлэ Дьокуускайдааҕы ньиэп баазатын ханаалын таһыгар ыытыллыаҕа.
Алексей Колодезников бүгүн М.В.Ломоносов аатынан Москватааҕы судаарыстыбаннай университет Дьокускай куорат ууну ылар тутууларын ууну тириэрдэр ханаалын бырайыактыыр. Бу чахчыларга олоҕуран дириҥэтэр үлэлэр барыахтара.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.