Ил Дархан Айсен Николаев тэлэбиидэнньэҕэ аһаҕас эпиир кэмигэр бэйдиэ сылдьар ыттар кыһалҕаларыгар тохтоото.
— Кыһалҕа баар, ол киһи өлүүлээх иэдээҥҥэ тиэртэ. Киһи олоҕо бастакы күөҥҥэ тутуллуохтаах. Сокуоҥҥа ымпыга-чымпыга, “үрүҥ бээтинэтэ” элбэх, онон көннөрүүлэр киирэллэрэ наада. Аҥардастыы муниципальнай чунуобунньуктары буруйдуур сыыһа. Тыйыс усулуобуйаҕа ыттар олох иһин охсуһаллар, кыыллыйаллар, эйэҕэс-сайаҕас дьиэ кыылын курдук буолбатахтар. Ил Түмэн эмиэ көннөрүүлэри киллэриэ диэн эрэнэбин. Госдуума дьокутааттарын манна ыҥырыахха наада. Москваҕа “Садовое кольцо” иһигэр сылаас кэбиниэккэ олорон куолулуур диэн атын, манна кэлэн, балаһыанньаны көрөн-истэн баран, быһаарыы ылыналлара ордук, — диэн кини эттэ.
Чахчы бэйдиэ сылдьар ыттар кыһалҕалара сытыытык турар. Забайкальскай кыраайга 7 саастаах кыыһы ыттар өлөрбүттэрин кэннэ, уопсастыбаҕа мөккүөр уҕараабат.
Госдуумаҕа сокуоҥҥа уларытыылары киллэрэри бэлэмнээн эрэллэр. “Кыылларга эппиэтинэстээх сыһыаннаһыы туһунан” сокуону киллэрбит дьокутаат Владимир Бурматов бу оробуочай бөлөҕү салайыаҕа.
Ангелина Васильева, “Саха сирэ” хаһыат, edersaas.ru