Докумуону толорууга көмөлөһө МФЦ-тан кэлиэхтэрэ

Ааптар: 
Бөлөххө киир:

Дьааҥыга бастакынан ууга барыы  иэдээнин көрсүбүт Суордаахха бырабыыталыстыба хоромньуну ааҕар хамыыһыйата үлэлээн бүппүт. Уу төһө да түһэ турарын үрдүнэн, син-биир тиэргэннэргэ инчэҕэй бөҕө.

Суордааҕы чөлүгэр түһэрэр үлэҕэ биригээдэ көмөлөһө кэлэрэ күүтүллэр. Ону тэҥэ халаан уутуттан тахсыбыт хоромьнуну толуйтарыыга докумуоннары толорууга көмөлөһө Дьокуускайтан МФЦ-тан уонна юрист кэлиэхтэрэ.

— Баатаҕай тимуровецтарыттан 52 500 солк. суумалаах көмө кэлбитин хамыыһыйаҕа туттардым.“Якутоптторг” гуманитарнай көмөнү аҕалбыта. Оройуонтан килиэп кэлбитэ, Дьокуускайтан уонна Баатаҕайтан ууну эмиэ аҕалан сүөкээбиттэрэ. Ууну ыраастыыр хлор эмиэ баар. Сүөһүлээх, сылгылаах ыалларбытыттан билиҥҥи туругунан сыспай сиэллээх баарын-суоҕун, ахсаанын өссө да чопчулуу иликтэр. “Орленок” лааҕырга” 12-тэн үөһээ саастаах 4 оҕо сынньана барыахтаах. Кылгастык кэпсээтэххэ итинник, — диэн иһитиннэрдэ Суордаах баһылыгын солбуйааччы Сардаана Потапова.

Бэлэмнээтэ Женни Стрюкова
Хаартыска: интэриниэттэн архыып

+1
0
+1
0
+1
0
+1
0
+1
0
+1
0
+1
0