Эһиги саҥа оҕолоннугут? Эҕэрдэлиибит! Бу бэлиэ түгэҥҥэ анаан эһиэхэ кылгас да буоллар, наадалаах иһитиннэриини оҥоробут. Билиҥҥи усулуобуйаҕа, ол эбэтэр дьиэҕэ олорон, докумуону хайдах толотторуохха сөбүн туһунан сүбэлиибит.
Бастатан туран, оҕоҕо ханнык докумуоннар наадаларый? ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
1.Оҕо төрөөбүтүн туһунан сибидиэтэлистибэ – gosuslugi.ru портал нөҥүө оҥотторуллар.
2. СНИЛС — Биэнсийэ пуондатыгар эрдэ суруттаран баран оҥотторуллар. pfrf.ru саайтын нөҥүө суруттарыҥ.
3. Прописка – gosuslugi.ru портал нөҥүө оҥотторуллар.
4. ОМС полис – ханнык баҕарар страховкалыыр хампаанньаҕа оҥотторуллар.
Оҕо төрөөбүтүн туһунан сибидиэтэлистибэ, СНИЛС уонна прописка оҥоһуллубутун кэннэ, оҕо бособуойатын оҥотторуу саҕаланар. ⠀⠀⠀⠀⠀⠀⠀⠀⠀⠀⠀⠀
Эһиги дьиэ кэргэҥҥитигэр ханнык көмө оҥоһуллуон сөбүн туһунан e-yakutia.ru порталга киирэн социальнай калькуляторынан туһаныҥ. Онно босуобуйа, туох өйөбүл оҥоһуллара көстөн кэлиэҕэ.
Салгыы докумуоннаргытын хомуйан баран, e-yakutia.ru портал нөҥүө босуобуйаҕа уонна ханнык өйөбүлүнэн туһаныаххытын сөбүн көрөн, электроннай сайабылыанньа ыытыҥ.
Оҕоҕутун оҕо саадыгар суруттараргытын умнумаҥ. Эмиэ e-yakutia.ru порталынан туһанан, уочаракка суруттарыҥ. ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀
e-yakutia портал үлэтин туһунан 88001007788 нүөмэргэ 09:00 — 18:00 эрийэн билсиҥ.
gosuslugi.ru портал үлэтин туһунан 115 кылгас нүөмэргэ эрийэн билсиҥ.
⠀
@mdsakha