Күндү доҕоттор, Арассыыйа күнүнэн итии-истиҥ эҕэрдэбитин тиэрдэбит!
Хас биирдиибит төлөннөөх сүрэҕэр төрөөбүт дойдуга тапталбыт сүр күүскэ иҥэн сылдьар. Өбүгэлэрбит өркөн өйдөрө, мындыр толкуйдара, ураты сатабыллара харгыһа суох сайдыыны, дьол-соргу, эйэ-үөрүү аргыстаах олоҕу түстүүргэ, дьоһун ситиһиилэргэ эрэллээхтик хардыылыырга бигэ тирэх буола турдуннар!
Арассыыйа күнүнэн А.Е.Кулаковскай аатынан норуоттар доҕордоһууларын дьиэтин национальнай сыһыаннаһыыларга эйгэтин үөрэтэр-методологическай киин «Мы все твои дети, Россия!» диэн видеоролик бэлэмнээн таһаарда. Манна Саха сирин кэнчээрилэрэ өрөспүүбүлүкэбит бары муннуктарыттан истиҥ эҕэрдэлэрин тиэрдэллэр. Маны сэргэ, «Признание в любви своей Родине» видеороликка РФ национальнай гвардиятын федеральнай сулууспатын сотрудниктарын оҕолорун, улуустартан оҕолор уонна Дьокуускай куорат 26 №-дээх оскуолатын бастакы кылааһын бүтэрээччилэр (салайааччы Пен Татьяна Николаевна) эҕэрдэлэрин тиэрдэллэр. Истиҥ эҕэрдэҕэ Мииринэйтэн, Алдантан, Өлүөхүмэттэн, Өймөкөөнтөн, Аллайыахаттан, Ньурбаттан, Бүлүүттэн кытыннылар.