Дойдубут бэрэсидьиэнин Владимир Путинын өйүүбүт.
Петр Андреев, Бүлүү улууһа:
— Мин Бүлүү улууһуттан куоракка наадаларбар кэлэ сылдьан, дойдубут бэрэсидьиэнэ Владимир Путины өйүүр эр дьон оһуохайа буоларын истэн, хайаан да сылдьарга быһаарыммытым. Биһиги бары биир сомоҕо буолан дойдубут аҕа баһылыгар бэриниилээх буолуохтаахпыт. Эр дьон оһуохайа биһиги эрэгийиэн дойдубут туһугар, бэрэсидьиэммит тула түмсэрбитин туоһулуур.
Тускун, Урааҥхай түмсүү:
— Бу эр дьон оһуохайа биһиги саха норуота дойдубут бэрэсидьиэнэ Владимир Путины өйүүрбүтүн, кини тула бииргэ түмсэрбитин көрдөрөр. «Урааҥхайдар” түмсүү Ил Дархаммыт Айсен Сергеевич тула мустан, дойдубут бэрэсидьиэнин бэлиитикэтин өйөөн бу оһуохайга муһуннубут. Модун Арассыыйа эйэлээх нэһилиэнньэни көмүскүүр, өйүүр.
Владислав Спиридонов, Дьокуускай:
— Биһиги бары дойдубут бэрэсидьиэнин Владимир Путины өйүөхтээхпит. Бу биһиги саха норуота түмсүүлээхпитин көрдөрөр. Арассыыйаҕа хоту, тымныы дойдуга баар аҕыйах ахсааннаах саха норуота биһиги эмиэ өйүүрбүтүн, кини санаатын, кинини кытта бииргэбитин, саныыр санаабытын бу түмсүүнэн биллэрэбит.
Ульяна ЗАХАРОВА.
Ааптар хаартыскаҕа түһэриитэ.