Дойду салайааччытын Анал этиититтэн: «Эрэгийиэннэр иэстэрин кыччатарга аналлаах үлэ ыытыллаҕа»
Арасссыыйа Бэрэсидьиэнэ Владимир Путин сыллааҕы Анал этиитигэр: “Дойду эрэгийиэннэр сайдар эрэ түгэннэригэр иннин диэки барар, сайдар”, — диэн эттэ. Бэрэсидьиэн Бырабыытылыстыбаҕа уонна Киин Бааҥҥа эрэгийиэннэри өйөөһүҥҥэ саҥа ньыманы киллэрэр туһунан этии киллэрдэ.
edersaas.ru
Дойду салайааччыта этэринэн, ситиһиилээх сайдыы бэлиитикэтин ыыта турар эрэгийиэннэргэ бастакы уочаратынан көмө оҥоһуллара ордук орунаах.
Эрэгийиэннэр сайдалларыгар көмө биир хайысхатынан үрдүк иэстээх эрэгийиэннэр иэстэрин аччатыыга анаммыт үлэ буолуоҕа. “Өскөтүн эрэгийиэн иэһэ дохуотун 25% тэҥнэһэр буоллаҕына, ону бүддьүөт кирэдьииттэринэн солбуйуохтара”, — диэтэ Арассыыйа Бэрэсидьиэнэ.
Дойду салайааччыта хамсыгы утары охсуһууга ылыллыбыт кирэдьииттэринэн төлөбүрдэри 2029 сылга диэри төлүүр гына реструктуризация ыытар туһунан этии киллэрдэ.
Бу тиэмэни салҕаан Путин сотору кэминэн эрэгийиэннэргэ инфрастуктураларынан ананар кирэдьииттэр киирэллэрин туһунан эттэ. Бу 15 сылга улаапыта 3% ставкалаах бүддьүөттэн көрүллэр кирэдьииттэр буолуохтара. Бу кирэдьииттэри түҥэтиигэ судургу ньыма туттуллуоҕа — кыра иэстээх эрэгийиэннэр маҥнайгы уочарат тиксиэхтэрэ.
«Саха сирэ» хаһыат, edersaas.ru