Дойду бэрэсидьиэнин быыбара 2018 сыл кулун тутар 18 күнүгэр көһөрүллүөн сөп

Вячеслав Володин Арассыыйа бэрэсидьиэнин быыбарын 2018 сыл кулун тутар 18 күнүгэр көһөрөр туһунан сенатордар көҕүлээһиннэрин кытта сөбүлэстэ. Ити күн 2014 сыллаахха Крым тумул арыы Арассыыйа Федерациятын састаабыгар киирбитэ.

Роман Попов, “Саха сирэ” хаһыат, https://edersaas.ru

Арассыыйа бэрэсидьиэнин быыбара 2018 сыл кулун тутар 18-гар – Крым Арассыыйаҕа холбоспут күнүгэр — буолуон сөп. Итинник санааны Судаарыстыбаннай Дуума спикерэ Вячеслав Володин инникилээҕинэн ааҕар уонна өйүүр. Ити туһунан «Интерфакс» иһитиннэрэр.

Кини быһааран биэрбитинэн, 2018 сыл кулун тутар 18 күнэ өрөбүлгэ түбэһэр, онон сокуонунан ити күн судаарыстыба баһылыгын быыбара ананыан сөп.
“Оттон ити күн хас да сыл бэлиэтиир бэртээхэй бырааһынньыкпытын кытта сөп түбэһэрэ олус үчүгэй”, — диэн эттэ Вячеслав Володин.

Быыбар киин хамыыһыйатын салайааччы Элла Памфилова эмиэ РФ бэрэсидьиэнин быыбарын 2018 сыл кулун тутар 11-тэн 18 чыыһылаҕа көһөрөрү өйүүрүн биллэрдэ.
Оттон РФ бэрэсидьиэнин пресс-сэкирэтээрэ Дмитрий Песков сенатордар Андрей Клишас уонна Анатолий Широков көҕүлээһиннэрин бары өттүнэн толкуйдуур наадатын, билиҥҥитэ манна биир олоҕурбут позиция суоҕун эттэ.

Роман Попов, “Саха сирэ” хаһыат, https://edersaas.ru