“Дойду бэрэсидьиэнэ В.В.Путин сөптөөх суолу тутуһар”

Ааптар: 
Бөлөххө киир:

“Дойду бэрэсидьиэнэ В.В.Путин сөптөөх суолу тутуһар”

Не может сын глядеть спокойно

На горе матери родной,

Не может быть

гражданин достойный

К Отчизне холоден душой!

/Н. А. Некрасов/

Билиҥҥи уустук кэмнэргэ киһи хайдаҕа, кимэ -туга дьиҥнээхтик быһаарыллар. Нуучча улуу бэйиэтэ Н.А Некрасовы оҕо эрдэхтэн гражданин, бэйиэт быһыытынан билэбит. Кини тылларын мин мээнэҕэ өйдөөн кэлбэтим.

Бэлиитикэттэн ыраах, көннөрү дьон билиҥҥи кэм туһунан тугу саныылларын билээри, кылгас ыйытык оҥордум:

  1. Билиҥҥи кэми, быһыыны — майгыны хайдах сыаналыыгыный?
  2. Бэйэ бородууксуйатын оҥорон таһаарыыга эн санааларыҥ?
  3. Сахабыт сирин тайҕатын көмүскэлигэр эн тугу этиэҥ этэй?

Хоруйдар:

Мария Никифорова, бэтэрээн- учуутал:

  1. Билиҥҥи балаһыанньаны кыраҕытык кэтээн көрөбүн, долгуйабын уонна Арассыыйа кырдьыктаах дьыала иһин турарыгар саарбахтаабаппын!
  2. Биһиги көлүөнэ 90 — с сыллардааҕы кириисиһи сүөһүлээх — астаах буоламмыт улахан оҕустарыыта суох туораабыппыт.

Оттон билиҥҥи төгүрүччү өттүттэн сааҥсыйа төһө уһуо биллибэт. Онон тыа сиригэр төһө кыалларынан сүөһүбүтүн иитэ сатыахтаахпыт уонна түргэнник бородууксуйа биэрэр хайысхалары тутуһан, үлэни — хамнаһы тэрийиэхтээхпит.Нэһилиэктэр дьаһалталара онно күүскэ үлэлэһиэхтээхтэр.

  1. Айылҕаны харыстааһыҥҥа сокуоннар чуолкай буолуохтаахтар, экологтар уонна лесниктэр бэйэлэрин тустаах эбээһинэстэрин эҥкилэ суох толоруохтарын, ирдэбили күүһүрдүөхтэрин наада.

Галина Карпова, бэтэрээн — учуутал:

  1. Маннык күчүмэҕэй күннэргэ сомоҕолоһуохтаахпыт. Олох сотору кэминэн оннун буларыгар баҕарабын.
  2. Нэһилиэктэргэ баар оҥорон таһаарар тэрилтэлэри күүскэ өйүөххэ, салгыы сайыннарыахха. Урукку сопхуос бааһыналарын сөргүтэн, ыһыыны кэҥэтиэххэ, оҕуруот аһын дэлэйдик үүннэрэн нэһилиэнньэҕэ атыылыахха.

Марфа Уломжинская, бэтэрээн — бибилэтиэкэр:

  1. Билиҥҥи балаһыанньа, наһаа дириҥээбэккэ, барыта этэҥҥэ буолуо диэн эрэнэбин.
  2. Үтүө утуму салҕаан, кэтэх хаһаайыстыбабытын тутан олоробут, салгыы сайыннардарбыт. Ыччаппыт сүөһүгэ — аска сыстан, саҥа технологиялары баһылаан, үлэ миэстэтэ таһааран, нэһилиэнньэни бэйэ аһынан — үөлүнэн хааччыйыан баҕарабын.
  3. Айылҕаҕа харыстабыллаахтык сыһыаннаһан, кэлэр көлүөнэҕэ чөл туруктаах хааллардарбыт бэрт буолуох этэ. Хаарыан хампа күөх тыабытын мээнэ кэртэрбэккэ, алдьаттарбакка , туруулаһыаҕыҥ!

Алексей Никитин, үлэ бэтэрээнэ:

  1. Дойду бэрэсидьиэнэ В.В.Путин сөптөөх суолу тутуһан иһэр дии саныыбын.
  2. Үүтү тутууга бары хаһаайыстыбаларга биир тэҥ сыананы быһыахтарын баҕарабын.
  1. Мин санаабар, айылҕа бэйэтэ быһаарар: уоттуурун уоттуур, оһорунарын оһорунар.

Февралина Луковцева, бэтэрээн — учуутал:

  1. Дойдубут уустук балаһыанньаҕа олорор. Маннык кэмҥэ бэрэсидьиэммитин В.В. Путины өйүөххэ!
  2. Бэйэ бордууксуйатын оҥорон таһаарыыга харгыстар элбэхтэр дии саныыбын. Холобура, үөһэттэн күһэйии, бөдөҥсүтүү содула, уо.д.а. Нэһилиэккэ баар оҥорон таһаарар тэрилтэлэри сабан кэбиспэккэ, төттөрүтүн салгыы сайыннарыахха. Үүт собуота баар буоллаҕына, дьон күөх үүтү ыланнар, сибиинньэ иитэргэ табыгастаах.

Сүөһү төбөтүгэр  бэриллэр харчы кыра дии саныыбын, сэлээркэҕэ,  уматыкка эрэ нэһиилэ тиийэр. ИП нолуога сыллата үрдүү турара эмиэ сүөһүлээх дьоҥҥо охсуута улахан.

  1. Саха сирин тайҕатын дьылҕата кими баҕарар долгутар. Биһиэхэ ирбэт тоҥ үрдүгэр олорор дьоҥҥо мас кэрдиллэрэ олох улахан иэдээни аҕалыан сөп.

Светлана Иванова, үлэ бэтэрээнэ:

  1. Бу буола турар быһыы — майгы киһини дьиксиннэрэр, ол эрэн улуу Арассыыйа модун кыаҕар эрэнэбит. Сомоҕолоһуу наада!

2.Билиҥҥи бириэмэҕэ кэтэх хаһаайыстыбата суох сатаммаппыт. Былыр -былыргыттан илдьэ сылдьар үгэспитин сайыннаран иһиэхтээхпит. Маныаха ыччат күүскэ ылсан, бэйэбит аспытын дэлэтиигэ сорук турар.

  1. Сахалар аар тайҕаттан бултаан олорбут омукпут. Онон айылҕаҕа сыһыаммытыгар бэйэ бодобутун тардынан, сиэри -туому тутуһан, ыраастыы, харыстыы, көрдөһө сылдьыахтаахпыт.

Елена Прокопьева, уопсастыбаннай кэрэспэдьиэн

Хаартыска: интэриниэт

+1
0
+1
0
+1
0
+1
0
+1
0
+1
0
+1
0