Көҥүл тустууга Аан дойду кубогын кэмигэр Дьокуускайга кулун тутар 16-17 күннэригэр “Дохсун” спорка бэлэмнэнии киинигэр Саха сиригэр 1 №-дээх спорду сэҥээрээччилэргэ фан-зона үлэлиэҕэ.
Фан-зона футбол хонуутугар арыллыаҕа, манна сарсыарда 10 чаастан улахан экраҥҥа быһа биэриини көрөр кыахтаныахтара. Аан дойду кубогын арыллыытын уонна сабыллыытын, ону тэҥэ аҕыс дойду күүстээх бөҕөстөрүн киирсиилэрин көрүөхтэрэ.
“Киирии босхо, быһа биэрии турнир икки күнүн устата барыаҕа. Чөл зона олохтонно. 16 саастарын туола иликтэр төрөппүттэрин кытта кэлэллэр”, — диэтилэр тэрийээччилэр.
“Дохсуҥҥа” табыгастаах буоллун диэн аһатар сир тэриллиэҕэ. Онон спорду сэҥээрээччилэри спорт улахан тэрээһинигэр күүтэбит.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
+1
+1
+1
+1
+1
+1
+1