Добровольческай штаб үлэтэ киэҥ далааһыннанар

Бөлөххө киир:

Саха сиригэр ойуур баһаардара балысханнык тураннар, от ыйыттан Дьокуускай куоракка  ойуур баһаарын умуруорууга көмөлөһөр  уопсастыбаннай добровольческай штаб тэриллэн үлэлээбитэ. Штаб үлэтэ далааһыннанан, кэҥээн эрэрин бу аахсыйаҕа норуот баҕа өттүнэн күүскэ кыттан эрэрэ туоһулуур.

Бэҕэһээҥҥи туругунан,  добровольческай штаб көмөтүнэн  Горнайга, Мэҥэ Хаҥаласка,  Хаҥаласка, Тааттаҕа, Уус Алдаҥҥа,  Үөһээ Бүлүүгэ, Намҥа уонна Чурапчыга 389 киһи ойуур баһаардарын умуруорууга барда. Оттон тустаах штаб тэриллиэҕиттэн барыта 1083 киһи ойуур баһаарын бохсууга үлэлии тиийбит.

Саха сирин күөх дуолун мэҥиэстэр ойуур баһаарын умуруорууга үлэлии барар баҕалаахтар  штаб 508-892, 508-893 уонна 89148247506 диэн Колл-киин нүөмэрдэригэр эрийэн билсиэххитин сөп. Аадырыстара: Дьокуускай куорат, 28-һа (Кыайыы 50 сыла успуорт дыбарыаһа).

Александр Тарасов, edersaas.ru

+1
0
+1
0
+1
0
+1
0
+1
0
+1
0
+1
0