Дьокуускай куоракка элбэх хайысханан үлэлиир «Академия образования» диэн саҥа үөрэх кыһата арылынна.
edersaas.ru
Манна 70 араас оробуочай идэҕэ: АЗС оператора, стропальщик, сварщик,слесарь, электромеханик, электромонтер,о.д.а. итиэннэ 25 хайысханан идэни уларытыыга: лабораннары, кран машинистарын, монтажниктары, газорезчиктары, суолга куттала суох буолуу специалистарын, уһуйаан иитээччилэрин, о.д.а. уонна квалификацияны үрдэтиигэ: салайааччыларга пожарнай- техническэй минимум уонна да атын идэлэргэ кылгас кэм иһигэр үөрэниэххэ сөп.
Академия олох балысханнык сайдар тэтимигэр сөп түбэһэн бары өттүнэн аныгы ирдэбилгэ эппиэттиир үрдүк таһымнаах специалистары бэлэмнээн таһаарар сыаллаах-соруктаах.
Саҥа идэни баһылыан, биитэр квалификацияларын үрдэтиэн баҕалаахтары дьону хас биирдиилэрин кытта үөрэнэргэ табыгастаах кэми аттаран үлэлэһэргэ бэлэм. Манна үгүс опыттаах, киэҥ билиилээх , үрдүк категориялаах уһуйааччылар тирэх буолуохтара, бары сатабылга үөрэтиэхтэрэ.
Бу күннэргэ, ол эбэтэр кулун тутар 23 күнүттэн, «Кыра кыамталаах судналары, гидроциклы ыытарга курстар саҕаланаллар. Курсу өр сылларга » Демьян Беднай» теплоходка капитаннаабыт Денис Васильевич Суранов ыытыаҕа, навигация саҕаланнаҕына ГИМС үлэһиттэрэ экзамен тутуохтара.
Академия үлэтин туһунан @ academy_mpc инстаграм страницаҕа сиһилии көрүөххүтүн сөп. Оттон үөрэниэн баҕалаахтары Дьокуускай к., Вилюйский пер, 6, 207 кабинекка күүтэллэр. Билсэр тел. 89247652262.
Сайаапканан чугас эргин улуустары кытта үлэлииллэр.
edersaas.ru