Дьоҕус авиациянан элбэх нэһилиэнньэлээх пууҥҥа ас-үөл тиэрдиллиэ

Ааптар: 
Бөлөххө киир:
Арктикаҕа дьоҕус авиациянан аһы-үөлү тиэрдии саҥа схемата элбэх нэһилиэнньэлээх пууну хабар кыахтаах.
Усуйаана оройуонугар Уус Куйгааҕа аһы-үөлү хаһаанарга эргиэн-логистика киинэ бу эҥэрдээҕи бөлөҕү хааччыйыа. Мантан 14  нэһилиэнньэлээх пууҥҥа тиэрдиллиэ диэн иһитиннэрэллэр.
Быйыл Арктикаҕа аһы-үөлү тиэрдэргэ Ан-2 дьоҕус авиацияны туһаннылар. Маннык ньыманан элбэҕи тиэрдэр, ас-үөл арааһын элбэтэр, ол иһигэр сибиэһэй оҕуруот аһын, фруктаны кытары тиэрдэр кыах баара бэлиэтэннэ. «Якутоптортан» иһитиннэрбиттэринэн, саҥа схеманан уустук суоллаах-иистээх 42  нэһилиэнньэлээх пууҥҥа ас-үөл тиэрдиллэр. Урут итинник суолунан 19 нэһилиэнньэлээх пууҥҥа тиэрдиллэрэ, итинтэн 14 нэһилиэккэ бөртөлүөтүнэн, биэскэ — вездеходунан.
«Арктика оройуоннарын олохтоохторун аһынан-үөлүнэн хааччыйыы ситимэ тиһиктээхтик салҕанан иһиэхтээх. Уунан тиэрдиини таһынан, дьоҕус авиациянан рейстэр оҥоһуллуохтаахтар«, — диэтэ СӨ Бырабыыталыстыбатын бэрэссэдээтэлэ Андрей Тарасенко.
Өрөспүүбүлүкэ премьеригэр бүгүн Арктическай зонаҕа аһы-үөлү  тиэрдиигэ дьоҕус авиацияны туһаныы туһунан дьүүллэстилэр. Мунньахха авиабылаһаакка туругун, лүөччүктэр, тэхиньиичэскэй састаап тиийбэтин, о.д.а. кыһалҕалаах боппуруостары көрдүлэр. Бу боппуруостары чугастааҕы кэмҥэ бары интэриэстээх биэдэмистибэлэр, авиационнай тэрилтэлэр, улуустар салалталара кыттыылаах мунньахха өссө төгүл көрөрү былааннаатылар.

СӨ Ил Дархана Айсен Николаев Ил Түмэҥҥэ Анал этиитигэр эрэгийиэн бырабыыталыстыбатыгар  арктическай оройуоннарга  эргиэн-логистика кииннэрин тэрийэр туһунан соругу туруорбута. Итинник киин ааспыт нэдиэлэҕэ Абыйга Белай Гораҕа аһыллыбыта. Үүнэр 2022 сылга итинник түөрт киини тутары былаанныыллар.

+1
0
+1
0
+1
0
+1
0
+1
0
+1
0
+1
0