Билигин бу үрдүк технологиялар Пааркалара 124 резиденнээх. Итинтэн бүгүн үрдүк таһымнаах саҥа хампаанньалар үүнэн-сайдан, ситэн-хотон тахсаллар. Холобур, Fntastic хампаанньа оонньуулара номнуо Apple ТОП-10 иһигэр киирэллэр. Итиннэ американскай уонна европейскай ырыынактар наадыйыылара түргэнник улаатан иһэр. Ону сэргэ, MyTona сотору кэминэн доҕордонуо уонна төрөөбүт-үөскээбит өрөспүүбүлүкэтиттэн күрэстэһээччилэниэ.
—MyTona уонна inDriver хампаанньалар аан дойдуга лиидэрдэртэн биирдэстэринэн буолаллар. Бу оҕолор биһиги харахпыт ортотугар «улаатан» таҕыстылар. Билигин кинилэр төрөөбүт өрөспүүбүлүкэлэригэр көмөлөһөллөр. Пандемия саҕаланыытыгар Арсен Томскай уонна бырааттыы Ушницкайдар бэйэлэрин тус счеттарыттан 45 мөл. солкуобайы өрөспүүбүлүкэҕэ коронавирус дьаҥын утары охсуһарга, тыҥаҕа салгыны биэрэр аппарааттары уонна медицинскэй препараттары ыларга көмөлөһөн биэрбиттэрэ, — диэтэ Николаев.
Айсен Николаев дойду технологическай сайдыытын туһунан кэпсэтиигэ, саҥаны киллэриигэ Арассыыйа Арктиката буолуон сөбүн бэлиэтээтэ. Бу намыһах температураҕа киһи организмын бэрэбиэркэлээһини таарыйарынан, матырыйаалы оҥоруунан, ураты эмтээх препараттарынан, килиимэт улахан сылыйыытын чинчийиинэн уо.д.а. буоларын ыйда. Өрөспүүбүлүкэ, бу хайысхаҕа, эһиил «Ростелекому» кытта бииргэ полярнай эргимтэҕэ оптоволокно тиһигин тардыахтаахтарын туһунан эттэ. «Өлөөн оройуона түргэн тэтимнээх интэриниэттэниэ», — диэтэ.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриитэ