Дьокуускайга А.Е.Кулаковскай аатынан норуоттар доҕордоһууларын дьиэтэ 40-с айар дьылын үөрүүлээх бэлиэ күннэригэр бар дьону ыҥырар. Уораҕай бырааһынньыктыы киэргэтиллибит түһүлгэтигэр хас да күн устата быыстапка бэртээхэйэ, күрэс күүрээннээҕэ, ырыа-тойук ыллама тиһиктээхтик салҕаныа диэн этэллэр.
Сэтинньи 1 күнүгэр киэһээ 17.00 чаастан улахан этнографическай диктант күүтэр.
Сэтинньи 2 күнүгэр киэһээ алта чаастан «ЭтноКраса» диэн иккис төгүлүн ыытыллар өрөспүүбүлүкэтээҕи куонкуруһу кэлэн көрөргүтүгэр, сэҥээрэргитигэр, санааҕытын үллэстэргитигэр норуоттар доҕордоһууларын дьиэтин кэлэктиибэ ыҥырар.
Сэтинньи 3 күнүгэр сарсыарда 10 чаастан»Содружество. Культурой связанные судьбы» диэн хаартысканан быыстапка саҕаланыа. Бу күн күнүс 15.00 чаастан норуоттар доҕордоһууларын дьиэтин саҥа бырайыактара: «Айар сынньалаҥ академията» арт-былаһаакка уонна «СтарПодиум» модельнай оскуола кыттыылаах саҥа, сонун санаалары, сүүрээннэри олоххо киллэрэргэ бэртээхэй тэрээһин ыытыллыа. Оттон 16.00 чаастан «Содружество талантов» норуоттар доҕордоһууларын дьиэтин 40-с айар дьылын үөрүүлээх арыллыыта дьону-сэргэни үөрдүө.
Сэтинньи 4 күнүгэр күнүс 12.00 чаастан «Россия — это мы» норуот сомоҕолоһуутун күнүн чэрчитинэн патриотическай акция. Салгыы, киэһээ 17.00 чаастан «Ярилов день» үҥкүү ансаамбылын бэртээхэй кэнсиэрэ эһигини сэргэхситиэ.
Сэтинньи 5 күнүгэр 17.00 чаастан «Сюрприз» үҥкүү ансаамбыла «Сказ о Петре и Февронии Муромских» бырайыагар күүтэр.
Сэтинньи 10 күнүгэр 17.00 чаастан «Сырдык сүүрээн» вокальнай устуудьуйа 15 сылынан кэнсиэргэ сылдьыҥ.
Кэлиҥ, сылдьыҥ, ыалдьыттааҥ. Үөрүүнү үксэтиһиҥ дииллэр А.Е.Кулаковскай аатынан норуоттар доҕордоһууларын дьиэтин кэлэктиибэ.
