Балаҕан ыйын 1-27 күннэригэр өрөспүүбүлүкэҕэ Судаарыстыбаннас күнүгэр анаммыт “Доҕордоһуу саламата” флэшмоб ыытыллар. Саха сиригэр олорор норуоттар доҕордоһууларын, патриотическай өйү-санааны бөҕөргөтөр, кинилэр историяларыгар, култуураларыгар, сыаннастарыгар ытыктабылы күүһүрдэр сыаллаах.
Аахсыйа онлайн көрүҥүнэн ыытыллар, ким баҕарар кыттар кыахтаах. Кыттааччылар саламаны тутан туран ыллаан, эбэтэр, үҥкүүлээн баран, видеоҕа устан, ролик оҥорон Sareda1@yandex.ru электроннай буостаҕа ыыталлар.
Видеороликтар Өксөкүлээх Өлөксөй аатынан Норуоттар доҕордоһууларын дьиэтин ddnykt.ru саайтыгар уонна DDN_Yakutia телеграм-ханаалларыгар тахсыахтара. Бары кыттааччыларга сэртипикээттэри биэрэллэр.
“Доҕордоһуу саламата” өрөспүүбүлүкэтээҕи патриотическай аахсыйа үһүс төгүлүн ыытыллар.
Билсэр төлөпүөн – 89141008874, бырайыак ааптара — Александра Старостина (89142326060).
Ангелина Васильева, “Саха сирэ” хаһыат, edersaas.ru
Хаартыска: sakhagov.ru