Бүгүн уонна сарсын, ыам ыйын 25-26 күннэригэр, Нам улууһун киинигэр стадиоҥҥа «Дыгын оонньууларыгар» кыттарга иккис сүүмэрдиир түһүмэх ыытылла турар. Алта путевка иһин Саха сирин араас муннуктарыттан 49 уол илин-кэлин түсүһэ кэлбит.
Бастакы түһүмэх — «үс төгүл үс» ыстаҥаҕа буолбута. Ол түмүгүн манна ааҕыҥ.
Иккис түһүмэх — тутум эргииригэр буолбута. От туһунан манна ааҕыҥ.
Үһүс түһүмэх — мас тардыһыы. Бу көрүҥҥэ, быраабыла быһыытынан, иккитэ хотторбут туораан иһэр. Бастакы миэстэ Бүлүү боотура Николай Текеянов, иккис Амма мадьыныта Владимир Никитин, үһүс «Боотур» кулууп иитиллээччитэ Егор Свинобоев буоллулар.
Бүгүҥҥү күн түмүгүнэн:
18 очукуолаах Артем Варданян 1 м
19 очукуолаах Петр Старостин 2 м
24 очукуолаах Филиппов Леонид 3м.
Сарсын, ыам ыйын 26 күнүгэр, 10 чаастан оҕунан ытыы, 400 м сүүрүү, хапсаҕай уонна тааһы көтөҕүү буолуоҕа.
edersaas.ru