ДНӨ уонна ЛНӨ үөрэнээччилэригэр Саха сирин бырамыысыланнаһын хампаанньалара көмөлөстүлэр

Бу күннэргэ Саха сирин бырамыысыланнаһын, сир баайын хостуур  хампаанньалар  ДНӨ уонна ЛНӨ үөрэнээччилэригэр  анаан 2 мөл. солк кэриҥэ көмөнү оҥордулар. 

Өрөспүүбүлүкэҕэ сир баайын хостоон туһаҕа таһаарар улахан хампаанньалар Донецкай уонна Луганскай  норуодунай  өрөспүүбүлүкэлэр үөрэнээччилэригэр быйыл үөрэх дьылынан сибээстээн,  2 мөл солк кэриҥэ суумалаах көмөнү ыыппыттарын туһунан  СӨ Бырамыысыланнаска министиэристибэтин пресс-сулууспата иһитиннэрдэ.  Бырамыысыланнаска уонна геологияҕа миниистирэ  Максим Терещенко Саха сиригэр үлэлиир тустаах хампаанньалар кэлэктииптэрэ кыттыһан, ДНӨ уонна ЛНӨ оҕолоругар үбүнэн харчыны оҥорбуттарын туһунан эттэ.