Дмитрий Давыдов саҥа киинэтэ Москватааҕы киинэ бэстибээлигэр кыттар

Ааптар: 
Бөлөххө киир:

Быйыл 44-с төгүлүн ыытыллар Норуоттар икки ардыларынааҕы Москватааҕы киинэ бэстибээлин сүрүн куонкуруһугар тоҕус киинэ киирдэ. Арассыыйа режиссердарыттан үс үлэ ааста: Лариса Садилова «Огород» киинэтэ, Виталий Суслин «Верблюжья дуга» киинэтэ уонна Саха сириттэн Дмитрий Давыдов режиссердаах «Молодость» («Эдэр саас»). Бэстибээл саайтыгар кыттааччылар испииһэктэрэ таҕыста. Тэрээһин атырдьах ыйын 26 күнүттэн балаҕан ыйын 2 күнүгэр диэри ыытыллыаҕа.

Быйыл Москватааҕы бэстибээл ыыра кэҥээн, 65 дойдуттан бастыҥ киинэлэри билиһиннэриэхтэрэ. Индия уонна Франция 20-лии киинэни, Кытай уонна АХШ 18-тыы киинэни, Израиль уонна Иран 16, 15 киинэни көрдөрүөхтэрэ.

Дмитрий Давыдов «Эдэр саас» киинэтигэр 40 саастах Василий диэн эр киһи сүүрбэччэ сыл улахан куоракка дьолун көрдүү сатаан баран төрөөбүт дойдутугар төннөрүн туһунан көстүөҕэ. Манна кэлэн кинини ким даҕаны күүппэтин, наадыйбатын өйдүүр. Киинэни былаһын тухары «Хардыы» рок-бөлөх ырыалара доҕуһуоллууллар.

Санатан суруйдахха, 2020 сыллаахха Дмитрий Давыдов «Пугало» киинэтэ «Кинотавр» бэстибээлгэ Гран-при хаһаайынынан буолбута.

+1
0
+1
0
+1
0
+1
0
+1
0
+1
0
+1
0