Сүрүн Уопсастыба

Дмитрий Садовниковы кытта “Быһа кэпсэтии”



Субуотаҕа, кулун тутар 23 күнүгэр, “Саха” ГТРК тэлэбиидэнньэ эфииригэр 08 чаас 40 мүн. Саха Өрөспүүбүлүкэтин дьиэ-уот хомунаалынай хаһаайыстыбатын уонна энергетикаҕа миниистирэ Дмитрий Садовников “Быһа кэпсэтии” биэриигэ кыттыаҕа.

Дмитрий Дмитриевич Дьокуускай куоракка уонна өрөспүүбүлүкэ оройуоннарыгар кытаанах бөҕү харайыы саҥа тиһигэр көһүүнү, Арктика бөлөҕөр туох быһаарыы ылыныллыбытын кэпсиэҕэ. Саха сирин киин уонна арҕаа оройуоннарын олохтоохторугар Арассыыйа биир кэлим энерго-тиһигэр киирии тугу биэриэҕэй? Кыһыҥҥы оттук сезона хайдах ааһан эрэрий, олорор дьиэлэргэ хапытаалынай өрөмүөн хайдах ыытылларый, Бүлүү өрүс кытыытыгар олорор нэһилиэктэргэ уунан хааччыйар эбийиэктэри тутуу хаһан саҕаланыаҕай? Бу уонна атын сытыы ыйытыыларга миниистир хоруйдуоҕа.

Көрөөччүлэр бэйэлэрин ыйытыыларын устуудьуйаҕа эфир кэмигэр маннык төлөпүөнүнэн биэриэхтэрин сөп: 8(4112) 32-02-02.

Быһа эфиргэ хоруйдаммакка хаалбыт ыйытыылары бырагыраама кэнниттэн кыттааччыга тиксэриэхтэрэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

 

0
0

Санааҕын суруй