Уопсастыба

Дмитрий Садовников Жатайга үлэни-хамнаһы билистэ

СӨ Бырабыыталыстыбатын  бастакы вице-премьера Дмитрий Садовников Жатайга икки сүрүн эбийиэги — судоверфь тутуутун былаһааккатыгар уонна канализационнай ыраастыыр ыстаансыйаҕа сылдьан баран, тутуу кэккэ төрүөтүнэн кыраапыктан хаалан иһэрин бэлиэтээтэ.

Бу туһунан СИА иһитиннэрдэ. Дмитрий Садовников Арассыыйа хотугулуу илин эрэгийиэнигэр тутуллан эрэр судоверфь сыл аайы 10 өрүс аалын тутуохтаах. Бастакы эбийиэктэр 2019 сыллаахха тутуллубуттара. Онон тутуу бастакы түһүмэҕэ 2021 сыл бүтэһигэр түмүктэниэхтээх этэ. Ол эрээри бэдэрээччит этиллибит болдьохтон хаалан иһэр. Сүрүн төрүөт — пандемия мэһэйи үөскэппитэ буолар. «Бэдэрээччит үлэни кэмигэр түмүктүүргэ эбии үлэһити булуохха наадатын, онно 2 млрд солк. наадатын этэр. Тэрилтэ кирэдьиит ылан, тутуу матырыйаалын эбии ылыахтаах. Бэдэрээччити өйүүргэ бырайыак кыттыылаахтарын кытыннарыахпыт», — диэн бэлиэтээтэ Дмитрий Садовников.
Иккис эбийиэк — канализационнай ыраастыыр ыстаансыйаны тутуу эмиэ кыраапыктан хаалбыт. Тутуу эбийиэк бырайыагар эбии уларытыы киирбитин кытта сибээстээх. Бэдэрээччиккэ үлэһит ахсаанын элбэтэр сорук туруоруллубут. «Тутуу ахсынньыга түмүктэниэҕэ. Бэдэрээччити кытта кэпсэтэн баран, тутуу болдьоҕун сэтинньигэ түмүктүүргэ сүбэлэстибит«, — диэн бэлиэтээтэ СӨ ОДьКХ уонна энергетикэ миниистирэ Вячеслав Емельянов.

Елена ПОТОЦКАЯ,
«Саха сирэ» хаһыат, edersaas.ru

0
0