Сүрүн Уопсастыба

Дмитрий Садовников Уус Алдаҥҥа саҥа хочуолунай тутуутун көрдө

СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников балаҕан ыйын 1 күнүгэр Уус Алдан улууһугар үлэтинэн бара сырытта.

Бастакы вице-премьер «ОДьКХ уларытыыга көмөлөһөр пуонда» Судаарыстыбаннай корпорация сүнньүнэн ыытыллар «Восток-1» хочуолунай тутуутун көрдө. Эбийиэги үлэҕэ киллэрэргэ сакаасчыт быһытынан СӨ ОДьКХ ГУП кыттар. Тутуу матырыйааллара аҕалыллыбыттар, сороҕо айаннаан иһэр. Хочуолунайы үлэҕэ быйыл ахсынньыга киллэрэр сорук турар. Бэлиэтээн эттэххэ, Уус Алдан улууһа оттук сезонугар бэлэм, баар хочуолунайдар кэмигэр холбонон үлэлээбитинэн барыахтара. Саҥа хочуолунайы тутуу үлэтин-хамнаһын сиһилии билсэн баран, Дмитрий Садовников кыраапыктан кыратык хаалыыны ситиһиннэрэллэригэр эттэ. Манна даҕатан эттэххэ, Уус Алдаҥҥа уопсайа үс саҥа хочуолунай тутулла турар, итинтэн иккитэ — чааһынай тэрилтэлэр үптэрин суотугар.
Маны таһынан, Дмитрий Садовников Бороҕоҥҥо канализационнай-ыраастыыр тутуу, кытаанах уонна убаҕас тобоҕу харайар полигон тутуллуохтаах сирин-уотун көрдө.
Дүпсүҥҥэ өрөспүүбүлүкэ бүддьүөтүн үбүгэр тутуллубут скважинаны СӨ ОДьКХ ГУП биэрэр туһунан кэпсэттилэр. Итиэннэ тэрилтэҕэ дьиэни тутан, нэһилиэнньэни сылы эргиччи ыраас уунан хааччыйарга сорудахтанна. Бу дүпсүннэр биир саамай сүрүн боппуруостарынан буолар. Ааҕан-суоттаан көрүүлэринэн манна 30 сылга тиийэр уу саппааһа баар.
Салгыы Дмитрий Садовников сэлиэнньэ хаарбах, саахалланар туруктаах баһаарынай чааһын дьиэтигэр сырытта. Салалта отделениены атын дьиэҕэ көһөрөр туһунан боппуруоһу туруорар. Садовников
Судаарыстыбаннай баһаарынай сулууспаҕа бу боппуруоһу көрөрүгэр соруйда.
0
0