Дмитрий Садовников: «Суукка устата 28 ойуур баһаара умуруорулунна»

Бүгүн, атырдьах ыйын 22 күнүн, сарсыарда 8 чаастааҕы туругунан өрөспүүбүлүкэҕэ  64 ойуур баһаара баарыттан, 33 баһаары умуруорууга үлэ ыытыллар.

Ааспыт сууккаҕа уопсайа  822 613 га иэннээх 18  баһаар бохсулунна,  864 969 га иэннээх баһаар умуруорулунна. Маны таһынан түөрт сиринэн саҥа уот булулунна.

Бу туһунан сарсыардааҥы брифиҥҥэ вице-премьер Дмитрий Садовников иһитиннэрдэ.

Уоту утары охсуһууга  2 494 киһи, 361 техника үлэлиир. Маны таһынан баһаары умулларыыга, кэтээн көрүүгэ, үлэһиттэри таһыыга  11 көтөр аал үлэлээтэ.

Бүгүн авиация, ол иһигэр ЫБМ, Оборона министиэристибэлэрин көтөр аалларын үлэтэ эмиэ былааннанар.

edersaas.ru