Уопсастыба

Дмитрий Садовников Саха сиригэр национальнай бырайыактар олоххо киириилэрин ырытта

Бүгүн бастакы вице-премьер Дмитрий Садовников өрөспүүбүлүкэҕэ национальнай бырайыактар олоххо киириилэрин ырытар мунньаҕы салайан ыытта.

Ил Дархан уонна бырабыыталыстыба пресс-сулууспата иһитиннэрбитинэн,  мунньахха 2021 сылга былааннаммыт үлэ хаамыытын уонна туолан иһэрин, тыырыллыбыт үбүлээһин төһө туттуллубутун, хантараактары түһэрсии уонна ол дуогабар туолуутун дьүүллэһии буолла.

Быйыл национальнай бырайыактары олоххо киллэриигэ 45 млрд солк. тыырыллыбыт, онтон 32 млрд солк — федеральнай бүддьүөттэн. 3 171 хантараакка 29,6 млрд солкуобай ороскуоттаныахтаах эбит. Бүгүҥҥү күҥҥэ 2 888 хантараак түһэрсиллибит.

«Доруобуйа харыстабыла», «Демография», «Култуура», «Үөрэхтээһин», «Экология» бырайыактар олоххо киириилэрэ бытаан. Холобур, доруобуйа харыстабылын эбийиэктэрин «СахаИнформ-Сеть» судаарыстыбаннай иһитиннэрэр-телекоммуникационнай ситимҥэ  киллэрии, кэккэ оройуоҥҥа тутуу полигоннарын үбүлээһинэ кыаллыбат, үөрэх тэрилтэлэригэр тустаах тэрили тиэрдии кыаллыбат, геронтологическай кииннэри (куойкалары) сыстыганнаах дьаҥынан сутуллубут дьону көрүүгэ-истиигэ уларытыы бытаан.

Дмитрий Садовников  тустаах министиэристибэлэргэ национальнай бырайыак олоххо киириитин кытаанах хонтуруолга туталларыгар сорудахтаата. Өскө биир национальнай бырайыакка хас да биэдэмистибэ кыттыгастаах түбэлтэтигэр, биир сүбэнэн үлэлииргэ соруйда.

 

Елена ПОТОЦКАЯ, «Саха сирэ» хаһыат .

0
0