Дойдуга бүрүүкээбит балаһыанньа туһунан суруйааччы, драматург Дмитрий Федосеевич Наумов санаатын үллэһиннэ.
— Мин бу буола турар байыаннай эпэрээссийэни уонна Арассыыйа дьайыытын өйүүбүн. Биһиги оскуолаҕа үөрэнэр эрдэхпитинэ, Сэбиэскэй сойууһу ньиэмэстэр эрэ сэриилээбиттэрин курдук үөрэтэр этибит. Дьиҥэр, 19 судаарыстыба киирбитэ диэн этэллэр. Билигин ол судаарыстыбалар биһиги аҕа көлүөнэ дьоммут оҥорбут эйэлээх олохпутугар ытыктабыла суох сыһыаннаһалларын олох сөбүлээбэппин. Ыаллыы олорор дьон бэйэ бэйэбитигэр ытыктабыллаах сыһыаннаах буолуохтаахпыт.
Донбасска, Луганскайга олорор славяннары тоҕо атаҕастыахтаахтарый? 8 сылы быһа буомбалаан, дэриэбинэлэри урусхаллаан кэллилэр, эйэлээхтик быһаарсыахтаах этилэр. Референдумунан быһаарыллыбыт өрөспүүбүлүкэни хайа эрэ өттүнэн билиниэхтээхтэр.
Патриот киһи быһыытынан, Арассыыйа сөпкө дьаһанна дии саныыбын. Сергей Шойгу ньиэмэстэргэ туһаайан: «Эһиги биһиэхэ 200 сылга да умнуллубат алдьархайы оҥорбуккут», — диэн эппитин ис сүрэхпиттэн астына сылдьабын.
Инникитин биһиги дьайыыбытын ылыныахтара дии саныыбын. Арассыыйа туох буруйун, аньыытын иһин кырыы харахтарынан көрүөхтээхтэрий? Бу сыллар усталарыгар биһиги устуоруйубатын барытын сымыйанан кэпсээһин барбыта. Ол иһин этэбин: хаһан баҕарар сымыйа – мөккүөрү, кырдьык сайдыыны үөскэтэр.
edersaas.ru