Дмитрий Давыдов «Пугало» киинэтэ Internasjonale Filmfestival анал бирииһин ылла

Норвегияҕа, Тромсё куоракка, Tromsø Internasjonale Filmfestival (TIFF) диэн норуоттар икки ардыларынааҕы киинэ бэстибээлигэр режиссер Дмитрий Давыдов икки киинэтин көрдөрдүлэр. Олортон биирдэстэрэ, «Пугало» хартыына «Киинэҕэ итэҕэл» диэн ааттаммыт анал бириэмийэни ылбыт.

edersaas.ru

«Мин үс киинэм эһиги бэстибээлгитигэр көһүннүлэр. Икки сыл анараа өттүгэр эһиги дьикти куораккытыгар тиийэ сылдьыбытым. Ахтабын. «Киинэҕэ итэҕэл» бириискит иһин махтанабын. Эһиги өттүгүтүттэн өйөбүл баара биһигини, уһук хотуга үлэлиир дьону олуһун үөрдэр уонна долгутар», — диэн тэрийээччилэргэ Дмитрий Давыдов харда тыл тиэрдибит.

TIFF Хотугу Европа ордук улахан бэстибээллэригэр киирсэр. Сыл аайы бу тэрээһиҥҥэ 60 тыһыынчаттан тахса көрөөөччү кэлэр, 200-чэкэ суруналыыс сырдатар. 1991 сылга олохтоммут бэстибээлгэ «Паразиты», «В центре внимания», «Чёрный лебедь», «Возвращение», «Нелюбовь» курдук биллиилээх хартыыналар сүрэхтэммиттэрэ.

“Киинэҕэ итэҕэл” бириис 2017 сыллаахтан туттарыллар, биһирэммит киинэҕэ олохтоох итэҕэл туһунан толкуйдатар түгэнигэр туттарыллар. Бирииһэ илиинэн уруһуйдаммыт таҥара күлүгэ буолар.

«Саха сирэ» хаһыат, edersaas.ru