Дмитрий Бердников СӨ Бырабыыталыстыбатын бэрэссэдээтэлин бастакы солбуйааччытын эбээһинэһин толорооччунан ананна

Бөлөххө киир:

СӨ Ил Дарханын сэтинньи  12 күнүнээҕи ыйааҕынан, СӨ Бырабыыталыстыбатын маҥнайгы солбуйааччытын эбээһинэһин толорооччунан Бердников Дмитрий Викторович ананна.

edersaas.ru

Дмитрий Викторович Өлүөнэ муостатын тутуу боппуруоһунан дьарыктаныаҕа диэн СӨ Ил Дархан уонна Бырабыыталыстыба пресс-сулууспатыттан иһитиннэрдилэр.

Ыспыраапка:

Бердников Дмитрий Викторович 1966 сыллаахха Иркутскай уобалас Ангарскай куоратыгар төрөөбүт.

Иркутскайга политехническай институкка «инженер-тутааччы», «теплогазоснабжение уонна вентиляция» идэлэригэр уонна Иркутскайдааҕы судаарыстыбаннай университет «юриспруденция» идэтигэр үөрэммит.

Үлэтин ССРС кэмигэр монтажтыыр уонна анал тутуу үлэлэрин министиэристибэтин «ВостокСантехМонтаж» тэрилтэҕэ маастарынан саҕалаан баран, сүрүннүүр инженергэ тиийэ үүнэр. 2014 сылга диэри Иркутскай уобалас коммерческэй тэрилтэлэригэр салайааччынан үлэлээбит. 2014 сыл балаҕан ыйыгар Иркутскай куорат депутатынан уонна бэрэссэдээтэлинэн анаммыт. 2015 сыл кулун тутар ыйыгар Иркутскай куорат мэрынан талыллар. 2020 сыл кулун тутар ыйыгар Иркутскай уобалас губернаторын бастакы солбуйааччытынан ананан үлэлээбит. 2020 сыл сэтинньи 12 күнүгэр СӨ Ил Дарханын ыйааҕынан, СӨ Бырабыыталыстыбатын бастакы солбуйааччытын эбээһинэһин толорооччунан ананна.

 СӨ Ил Дархан уонна Бырабыыталыстыба пресс-сулууспата

+1
0
+1
0
+1
0
+1
0
+1
0
+1
0
+1
0