Дмитрий Бердников: «Бэс Күөлүн тупсаран оҥорууга үлэ ыытыллар» (ВИДЕО)
Горнай улууһугар Бэс Күөлүн сэлиэнньэтигэр ойуур баһаарыттан эмсэҕэлээбит өттүн чөлүгэр түһэрии, тупсарыы үлэтэ ыытыллар. Бу туһунан СИА СӨ Бырабыыталыстыбатын бэрэссэдээтэлин бастакы солбуйааччы Дмитрий Бердников иһитиннэрдэ.
Бастакы вице-премьер Дмитрий Бердников манна тыа сирин саҥа сэлиэнньэтэ тутуллан тахсыаҕын эттэ. Билигин уулусса-суол ситимин аныгылыы оҥоруу үлэтэ ыытылла турар.
Саҥа 34 дьиэ бары толору хааччыллыылаах уонна күөх төлөн киллэриллибит буолуохтара. Тыа хаһаайыстыбатын аһын-үөлүн, табаарын оҥорон таһаарааччыларга тута сэттэ хотон , ол иһигэр ИП «Петров» хаһаайыстыбатыгар 100 төбө киирэр комплекса тутуллаллар.
Билигин ойуур уотуттан эмсэҕэлээбит Бэс Күөлүн түөлбэтэ биир улахан тутуу былаһааккатыгар кубулуйбут.
Маны сэргэ, энергетиктар элбэх үлэни оҥороллор. Уот ситимин 33 тирэҕэ туруоруллан, бары олорор дьиэлэргэ уонна хотоннорго кабель тардыллан турар.
Дмитрий Бердников СӨ Тыа хаһаайыстыбатын министиэристибэтинэн сэлиэнньэ олохтоохторугар отторуттан саҕалаан, эбии аһылыктарыгар, сүөһү төбөтүгэр тиийэ компенсация оҥоһулларын туһунан бэлиэтээн эттэ.
+1
+1
+1
+1
+1
+1
+1