Арассыыйаҕа 2019 сылга диспансеризацияны барыыга саҥа бэрээдэктэр олохтоммуттарынан, билигин 40-тан тахсыбыт саастаах дьон диспансеризацияҕа сыл аайы сылдьыахтарын сөп.
edersaas.ru
Оттон 18-39 саастаахтар, уруккутун курдук, үс сылга биирдэ диспансеризациянан хабыллаллар. Ол да буоллар, хас биирдии киһи ыарыыны сэрэтэргэ медицинскэй көрүүнү босхо хаһан баҕарар барар бырааптаах.
Диспансеризацияҕа туох киирэрий?
— Анкетаны толоруу;
— Ыйааһын индексин суоттааһын;
— Хаан баттааһынын кээмэйдээһин;
— Хааҥҥа уопсай холестерин таһымын быһаарыы;
— Хааҥҥа глюкоза таһымын чинчийии;
— Сүрэх-тымыр ыарыытын кутталын быһаарыы;
— Икки сылга биирдэ тыҥаҕа флюорографияҕа түһүү;
— Ыарыыны сэрэтэр медицинскэй көрүүнү аан бастаан барыыга электрокардиограммаҕа түһүү (35 саастаан үөһээ — сылга биирдэ);
— 40 саастан саҕалаан, хаан уопсай анаалыһа (гемоглобин, лейкоциттар, СОЭ)
— Ыарыыны сэрэтэр медицинскэй көрүүнү аан бастаан барыыга харах иһинээҕи баттааһыны кээмэйдээһин (40 саастан үөһээ — сылга биирдэ);
— 18-тан уонна онтон үөһээ саастаах дьахталлар сыл аайы акушер-гинеколокка көрдөрөллөр, 18-64 саастаах дьахталлар – үс сылга биирдэ цитологияҕа чинчийии оҥортороллор;
— 40-75 аастаахтар икки сылга биирдэ маммографияҕа уһуллаллар;
— Иммунохимическай ньыманан чинчийиини барыы: 40-64 сааска – икки сылга биирдэ, 65-75 сааска – сыл аайы;
— Эр дьоҥҥо – 45 ,50, 55, 60 уонна 64 сааска фиброгастродуоденоскопияҕа ( простата антигеныгар хаан анаалыһа) сылдьаллар;
— Быраас сүбэтэ-амата.
Босхо диспансеризациялар ыытыллаллар:
— Дьокуускай куорат уонна куорат таһынааҕы нэһилиэктэр поликлиникаларыгар;
— Өрөспүүбүлүкэ улуустарын оройуоннааҕы Киин балыыһаларыгар;
— Учаастактааҕы балыыһаларга;
— Быраас амбулаторияларыгар;
— Биэлсэр-акушер пууннарыгар;
— Чааһынай клиникаларга (сыһыарыллыбыт буоллаҕына).
Диспансеризацияҕа кэлэргэ пааспаргын, страховой медицинскэй полискын, СНИЛС (эмтиир тэрилтэҕэ уруккуттан сыһыарылла сылдьар буоллаххына – булгуччута суох) илдьэ кэлэргитин умнумаҥ.
Надежда ЕГОРОВА, “Саха сирэ” хаһыат, edersaas.ru