Күһүн көмүс кырааскалара Дьокуускайдааҕы наркология диспансерын хаһан да тумнан ааспаттар.
edersaas.ru
Манна хас күһүн ахсын диспансер үлэһиттэрэ бэһиэлэй куонкурустарга, көргө-нарга, көрдөөх ырыаларга, хомоҕой хоһооннорго уонна үҥкүүгэ кытталлар. Маны барытын “Осень – щедрая душа” быыстапка-дьаарбаҥкаҕа көрүөххэ сөп. Быйылгы дьаарбаҥкаҕа диспансер үлэһиттэрэ , мэлдьи буоларын курдук, күүскэ бэлэмнэммиттэр.
Отделениелар бары араас тиэмэни талбыттар, бэйэлэрин уратытык билиһиннэрдилэр уонна, биллэн турар, остуолларга киһи хараҕын саататар бородуукта арааһа уурулунна. Кэлбит дьон бэйэ оҕуруотугар үүннэриллибит оҕуруот астарын, фрукталары, килиэп-буулка, кондитерскай оҥоһуктары хото атыыластылар. Чэй, мүөт, барыанньа уо.д.а. арааһын амсайдылар. Ону сэргэ дьон болҕомтотун айылҕа матырыйаалларыттан бэлэмнэммит дьэрэкээн оҥоһуктар уонна диспансер тарбахтарыгар талааннаах маастардара тикпит киэргэллэрэ ыллылыр.
Дьаарбаҥка ситиһиилээхтик ааспытын үлэһиттэр аҕалбыт бородуукталара барыта хамаҕатык барбыта уонна хойукка диэри “Ураа!” хаһыы дуорайбыта туоһулаата.
“Саха сирэ”, edersaas.ru сайтка анаан Ольга ГОЛИКОВА.