Кварплатаны төлүүргүтүгэр кыбартыыраҕыт иэнигэр болҕомтону уураргытыгар сүбэлиибит. Тоҕо?
Ол курдук, бүгүн билэр киһим манныгы кэпсээтэ. Кини кварплататын ыйы көтүппэккэ, төлүүр эбит. Арай, биир күн эрийэн, кварплатаҥ төлөбүрүгэр иэстээххин диэн соһуппуттар. Хайдах баҕайытай диэн өр толкуйдаабыт. Дьолго төлөөбүтүн туһунан туоһулуур квитанцияны өйдөөн-дьүүллээн көрбүтэ, кыбартыыратын иэнэ 9 кв. м эбиллэн хаалбыт эбит. Ол кэннэ кварплататын төлөбүрэ үрдүүрэ чуолкай буоллаҕа. Тиийэн аахсааччы буолбутугар, анарааҥҥылар кв м хаһан, хайдах, тоҕо үрдээбитин бу диэн кыайан быһаарбатахтар. Хата, иэскин төлөөн кэбис диэн модьуйбуттар. Итини тэҥэ, Росреестртэн кыбартыыраҥ иэнин туоһулуур ыспыраапканы аҕаллаххына, биирдэ эрэ көннөрөбүт уонна элбэҕи төлөөбүккүттэн үс ыйын эрэ ааҕан биэриэхпит диэн соһуппуттар. Итинник эмиэ буоларынан сибээстээн, кварплатаҕыт квитанциятыгар хайдах-туох сыыппара сурулларын болҕойон көрөргүтүгэр сүбэлиибит-амалыыбыт.
edersaas.ru