— Дьиэттэн тахсыбакка бүөмчүтүк олоруу кэмигэр тэйиччиттэн үлэлиир киһи сибээскэ тахсыбатаҕына уонна төлөпүөҥҥэ хоруйдаабатаҕына, үлэни биэрээччи хайыахтааҕый?
Хоруйдуур юрист Андрей Севостьянов:
— РФ Үлэҕэ Кодексатын 312.1 ыстатыйатыгар олоҕуран, тэйиччиттэн олорон үлэлээччилэргэ РФ ҮК 49.1 баһын учуоттаан, үлэ быраабын нуормаларыттан турар үлэ сокуоннаһа тутуһуллар. Чуолаан, тэйиччиттэн олорон үлэлээһин уратытынан үлэ эбээһинэһин толорорго үлэни биэрээччи уонна үлэһит икки ардыларыгар Интэриниэтинэн уонна электроннай почтанан сибээстэһии олохтонор. Маныаха РФ ҮК 312.4 ыст. толоруунан үлэһит үлэлиир кэмин, сынньалаҥын бэйэтэ олохтуур, өскөтүн тэйиччиттэн үлэ дуогабарынан атын ирдэбил көрүллүбэтэх буоллаҕына. Ол иһин, үлэһит уонна үлэни биэрээччи ханнык күннэр үлэ күнүнэн, сынньалаҥ күнүнэн буолалларын тэҥҥэ билиэхтээхтэр. Өскөтүн сөбүлэһиннэриллибит күннэргэ сибээскэ тахсыбат буоллаҕына, үлэни биэрээччи маны үлэҕэ суоҕунан ааҕыан сөп.
Өскөтүн үлэһит биллибэт биричиинэнэн үлэтигэр тахсыбатаҕына (быһаарыллыар диэри) “НН” код (30) туһаныллар. Суох кэмигэр хамнаһа ааҕыллыбат.
Үлэһит сибээскэ таҕыстаҕына, киниттэн суругунан тоҕо сибээскэ тахсыбатаҕын, суоҕун туһунан быһаарыы ылыллар. Онуоха быстах кэмҥэ үлэлээбэт буолуу илииһин, биитэр сибээс ханааллара үлэлэрин туһунан ыспыраапканы көрдөрүөхтээх.
“Российская газета” хаһыаттан
Бэлэмнээтэ Женни СТРЮКОВА, “Саха сирэ” хаһыат
Хаартыска: интэриниэттэн