Дойдубут Төрүт Сокуонугар уларытыылары киллэриигэ куоластааһын саҕаланна. Аан дойдуну аймаабыт дьаҥ кэмигэр дьон тоҕуоруһуутун таһаарбат туһуттан итинник дьаһал ылыныллыбыта.
— Мэҥэ Хаҥалас улууһун II Наахара нэһилиэгэр куоластааһын саҕаланна! Пандемиянан сибээстээн, биһиги, саастаах дьон, дьиэбитигэр олорон куоластаатыбыт. Гражданскай иэспитин толорон, дойдубут салгыы сайдарын, чөл туруктаах буоларын туһугар куоласпытын биэрдибит, — диэтэ нэһилиэк олохтооҕо, ытыктанар учуутал Елена Петровна Прокопьева.
Олохтоох култуура киинигэр куоластааһыны тэрийэн ыытыыга бэртээхэй усулуобуйа тэриллибит. Онон наахаралар ким дьиэтиттэн, ким кулуупка кэлэн куоластыыллар.
Женни СТРЮКОВА.
Хаартыскаҕа: кулуупка – куоластааһын
+1
+1
+1
+1
+1
+1
+1