“Дьиэ кэргэнинэн ыллыыбыт” куонкуруска сайаапкалары хомуйуу салҕанар

“Саха сирэ” хаһыат РФ Дьиэ кэргэн сылыгар уонна Саха сиригэр Оҕо саас сылыгар аналлаах “Дьиэ кэргэнинэн ыллыыбыт” диэн куонкуруска сайаапкалары хомуйуу салҕанар.

Куонкурус сүрүн балаһыанньата:

1. Куонкуруска дьиэ кэргэн кыттар (3-тэн үөһэ саастаах оҕолор төрөппүттэрин, эбээлэрин, эһээлэрин кытта).
2. Кыттааччылар ахсааннара төһө баҕарар буолуон сөп.
3. Кыттааччы ахсаана икки киһиттэн кыччаабат (улахан киһи уонна оҕо).

Кыттыы бэрээдэгэ:

1. Кыттааччылар сайаапканы, тус дааннайдарыгар туттарга сөбүлэҥи (видео-устууну, хаартысканы саайтка таһаарарга) уонна видео-устууну ыыталлар.
2. Сайаапканы уонна кыттарга сөбүлэҥи биэриини мантан хачайдааҥ.
3. Видео-устууну urua_sakhasire@mail.ru манна ыытаҕыт. Сайаапканы, тус дааннайдары туттарга сөбүлэҥи эмиэ. Билсэр төлөпүөн: 89841173449
4. Видео-устуу (ырыа) уһуна 4 мүнүүтэттэн уһуо суохтаах. Куонкуруска кыттааччылар «Саха сирэ» хаһыакка 2024 сыл икки аҥаарыгар үс ыйга суруттараллар. Квитанцияны куоппуйалаан баран, сайаапканы кытта үөһэ ыйыллыбыт электроннай почтаҕа ыытаҕыт.

Күрэх болдьоҕо:

1. Ыам ыйын 21 күнүттэн бэс ыйын 20 күнүгэр диэри сүүмэрдиир куонкурус. Ол аата кыттыбыт дьонтон 10 бастыҥнар быһаарыллаллар.
2. Бэс ыйын 29 күнүгэр Дьокуускайга Туймаада ыһыаҕар (Үс Хатыҥҥа) 14:00 чаастан “Тыйаатыр түһүлгэтигэр”  (13 №-дээх былаһааккаҕа) түмүктүүр уонна гала-кэнсиэр ыытыллар. Манна уон бастыҥнар кэлэн кытталлар. Кыайыылаахтары наҕараадалааһын буолар.