Өссө төгүл бэлиэтээн аһарар буоллахха, тыа сирдэригэр хоруона хамсыгын утаран, дьон-сэргэ, аҕам саастаахтар уонна урбаанньыттар мэдиссиинэ үлэһиттэригэр кыахтара тиийэринэн көмөлөһөллөр. Оттон бу күннэргэ, Мэҥэ Хаҥаласка дьиэ кэргэн бэйэтин көмөтүн оҥордо.
Майа олохтоохторо, урбаанньыт дьиэ кэргэн Васильевтар «Быраастарга махтал» үтүө санааланыы аахсыйатыгар кыттыбыттар. Бу аахсыйа Мэҥэ Хаҥалас улууһугар быйыл ыам ыйыттан саҕаламмыта.
Урбаанынан дьарыктанар дьиэ кэргэн 2 №-дээх оройуоннааҕы киин балыыһа инфекционнай отделениетыгар ыарыһахтар астарын түргэнник сылытарга анаан, микроволновай оһох бэлэхтээбит.
Игорь Афанасьевич кэргэнин Анна Руслановнаны кытта урбаанынан 2008 сылтан дьарыктаналлар. Васильевтар дьиэ кэргэн Саҥа дьылга, Билии күнүгэр, уо.д.а. бэлиэ күннэргэ, бырааһынньыктарга элбэх оҕолоох дьиэ кэргэттэргэ бэлэхтэри оҥорор үтүө үгэстээхтэр.
+1
+1
+1
+1
+1
+1
+1