Дьиэ кэргэн пиэрмэтин сайыннарыыга туһуламмыт бырагыраама гранын 24 бааһынай хаһаайыстыба ылыаҕа

Тыа хаһаайыстыбатын министиэристибэтигэр «Бааһынай хаһаайыстыбалар баазаларыгар дьиэ кэргэн пиэрмэлэрин тэрийии» федеральнай бырагыраамаҕа кыттарга араас улуустартан барыта 60 сайаапка киирбититтэн, куонкуруска 46 бааһынай хаһаайыстыбата киллэриллибитэ.

edersaas.ru

Бэс ыйын 8-9 күннэригэр министиэристибэҕэ видеокэмпириэнсийэ киэбинэн ыытыллыбыт хамыыһыйа мунньаҕын түмүгүнэн, куонкурус гранын кыайыылааҕа буолар чиэскэ уон биэс улуустан 24 бааһынай хаһаайыстыба тигистэ. Бу бырагырааманан быйыл 223 мөл. солк. көрүллүбүтэ, онтон кыайыылаахтарга бизнес-былааннарынан көрөн, 2 мөлүйүөнтэн 15 мөлүйүөн солкуобайга тиийэ суумалаах грант харчыта бэриллэр. Кинилэр ол үпкэ тирэҕирэннэр, аныгы ирдэбилгэ сөп түбэһэр дьиэ кэргэн сүөһү иитэр пиэрмэлэрин туттуохтара, сүөһүнү итиэннэ үлэ тиэхиньикэтин атыылаһыахтара диэн тыа хаһаайыстыбатын министиэристибэтэ иһитиннэрэр.

Раиса Сибирякова, «Саха сирэ» хаһыат, edersaas.ru