Нацбырайыактар Тыа хаһаайыстыбата

Дьиэ кэргэн пиэрмэтин сайыннарыы гранын куонкуруһугар кимнээх киирэллэрэ билиннэ

Тыа хаһаайыстыбатын министиэристибэтин быйылгы сыл балаҕан ыйын 9 күнүнээҕи бирикээһинэн, бааһынай хаһаайыстыба базатыгар дьиэ кэргэн пиэрмэтин сайыннарыы бырагыраама гранын куонкуруһугар киирсэр дьон испииһэгэ бигэргэнннэ.

edersaas.ru

Бу бырагыраама куонкуруһугар кыттарга 44 бааһынай хаһаайыстыбаттан сайаапка киирбититтэн, куонкуруска сиппит-хоппут докумуоннаах 33 бааһынай хаһаайыстыба киллэриллэр буолла.

Быйыл бу бырагырааманан 175 мөл. солк. көрүллүбүтэ, онон грант харчыта хайысхаларынан тутулуктанан биирдии киһиэхэ 15 мөл. солк тиийэ буолуон сөп. Куонкуруска кыттааччылар бырайыактарын сарсын, ол эбэтэр балаҕан ыйын 13 күнүгэр видеокэмпириэнсийэ киэбинэн көмүскүөхтэрэ. Хас биирдии киһиэхэ 15 мүнүүтэ бэриллэр диэн Тыа хаһаайыстыбатын министиэристибэтэ иһитиннэрэр.

Раиса Сибирякова, «Саха сирэ» хаһыат, edersaas.ru

0
0