Уопсастыба

Дьиэ кэргэн ипотеката

РФ Бэрэсидьиэнэ Владимир Путин от ыйын 1 күнүгэр диэри, 2018 с тохсунньу 1 күнүн кэнниттэн төрөөбүт биир оҕолоох ыалга чэпчэтиилээх ипотека бырагырааматын кэҥэтэллэригэр сорудахтаата.

Бу туһунан Кремль саайтыгар Петербурга норуоттар икки ардыларынааҕы экономика пуорумун түмүгүнэн оҥоһуллубут сорудахтарга суруллубутун туһунан «Российская газета» иһитиннэрдэ. «Бастакы эбэтэр онтон кэлэр оҕолорун 2018 с тохсунньу 1 күнүн кэнниттэн оҕоломмут  дьиэ кэргэн, чэпчэтиилээх ипотека бырагырааматын чэрчитинэн, кирэдьиит болдьоҕун тухары 6 бырыһыаннаах ыстаапканан 2023 с ахсынньы 31 күнүгэр диэри  туһанар кыахтаныаҕа. Ол эбэтэр, чэпчэтиилээх кирэдьиитинэн тутулла турар дьиэни атыылаһыахха сөп.  Эбэтэр эрдэ ылбыт олорор дьиэлэрин ипотекатыгар рефинансирование оҥоһуллуоҕа. Кирэдьиит суумата 6 мөл солк тэҥнэһиэҕэ, оттон Москва уонна Санкт-Петербург куораттарга, ону сэргэ Москва, Ленинград уобаластарыгар 12 мөл солк буолуоҕа»,- диэн суруллар. Ону таһынан Владимир Путин 2022 сыл от ыйын 1 күнүгэр диэри 7% үрдүгэ суох ыстаапкалаах  чэпчэтиилээх ипотека бырагырааматын уһатарга соруйда. Бу кирэдьиит суумата 3 мөл солк тахсыа суохтаах.

Надежда Ильина

0
0