РФ бырабыыталыстыбата дьиэ кэргэн хапытаалын ылааччылар ипэтиэкэлэригэр рефинансирование оҥорторор кыахтарын судургутутта.
edersaas.ru
Ол эбэтэр, РФ бырабыыталыстыбатын 2022 сыл от ыйын 13 күнүннээҕи уурааҕынан, оҕолоох ыаллар дьиэ кэргэн хапытаалын көмөтүнэн ипэтиэкэҕэ кирэдьииттэригэр рефинансирование оҥортороллоро судургу буолуоҕа.
Онуоха наадалаах уларыйыылар олорор дьиэ усулуобуйатын тупсарарга дьиэ кэргэн хапытаалын туһаныы быраабылаларыгар киллэрилиннилэр, ону бырабыыталыстыба бэрэссэдээтэлэ Михаил Мишустин бигэргэттэ. Онон, заемщик Биэнсийэ пуондатыгар тиксэриэхтээх булгуччулаах докумуоннарын испииһэгиттэн рефинансирование оҥорор баантан ылыллар ыспыраапката сотулунна. Заемщик ипэтиэкэни биэрбит баантан кирэдьиити ылбытын туһунан докумуона эрэ сөп буолар буолла. Ол курдук, дьиэ кэргэн хапытаалын ылааччылар олорор дьиэни атыылаһалларыгар эбэтэр тутталларыгар ылбыт кирэдьииттэригэр рефинансированиены түргэнник оҥорторор кыахтаналлар.
Надежда ЕГОРОВА, «Саха сирэ» хаһыат, edersaas.ru