Бэстибээлгэ кимнээх кытталларый? Ханнык куонкурустар күүтэллэрий?
От ыйын 8 күнүгэр Бүтүн Арассыыйатааҕы Дьиэ кэргэн уонна таптал күнүгэр анаммыт өрөспүүбүлүкэтээҕи дьиэ кэргэн бэстибээлин бырааһынньыктааҕы сэлэлээн хаамыыта аан бастаан ыытыллар.
Бэстибээл сыала: ийэ, аҕа буолуу суолтатын үрдэтии, көлүөнэлэр уопсай интэриэстээх уонна дьарыктаах буолууларын көҕүлээһин, дьиэ кэргэн үгэстэрин сайыннарыы.
СӨ Үлэҕэ министиэристибэтэ, СӨ ЗАГС управлениета уонна Дьокуускай к. дьаһалтата бырааһынньыктааҕы сэлэлээн хаамыыга ыҥыраллар:
- Саҥа ыал буолааччылар парадтара – урууга кэтэр таҥастарынан;
- Кэлээскэлээхтэр парадтара – оҕолоох ыаллар кэлээскэлэрин киэргэтэн;
- Элбэх оҕолоох ыаллар парадтара— элбэх оҕолоох ыаллар оҕолорун кытта;
- Көхтөөх уһун үйэлээхтэр парадтара — 55+ саастаах куорат олохтоохторо уонна ыалдьыттара;
- Дьиэ кэргэттэр парадтара — национальнай көстүүмнээх куорат олохтоохторо уонна ыалдьыттара.
Судаарыстыбаннай циркэ таһыттан сэлэлээн хааман, Киров уулуссатынан Комсомольскай болуоссакка диэри тиийиэхтэрэ (16.00 саҕаланар).
Өрөспүүбүлүкэтээҕи I дьиэ кэргэн бэстибээлигэр Комсомольскай болуоссакка уонна Сынньалаҥ пааркатыгар тиэмэлэринэн маастар-кылаастар, атыы дьаарбаҥката, быыстапка уонна оҕо куонкурустара буолуохтара (саҕаланыыта: 16:00, бүтүүтэ: 19:00 ч.).
Бүтүн Арассыыйатааҕы Дьиэ кэргэн, таптал күнүгэр 18:00 чаастан өрөспүүбүлүкэ эстрадатын чаҕылхай сулустара кыттыылаах бырааһынньыктааҕы кэнсиэр буолуоҕа.
Ону тэҥэ куонкурустар күүтэллэр:
—“Саҥа ыал буолааччылар тапталга билиниилэрэ”
— “Кэлээскэни бастыҥ киэргэтии” куонкуруһа
– Бастакы миэстэҕэ – Ленатруфлоттан теплоходунан Өлүөнэ очуостарыгар круиз. Айылҕаҕа киэҥ бырагыраамалаах сынньаныы.
Иккис миэстэҕэ – Хаҥалас оройуонугар Өлүөнэ очуостарын көрө олорон дьиэ кэргэнинэн Lena pillars batamay camp аныгы турбазаҕа сынньаныы.
Үһүс миэстэҕэ – Көхтөөхтүк сынньаныы пааркатыгар сэртипикээт, “Высота 160” ресторантан, Дьокуускай к. панорамнай көстүүлээх “Үрдэл” сопкатыгар https://yrdelpark.ru/ уонна да атын бириистэр.
Саха Өрөспүүбүлүкэтин Үлэҕэ уонна социальнай сайдыыга министиэристибэтин саайтыгар уонна министиэристибэ дьиҥ таһымнаах телеграмыгар куонкурустар балаһыанньалара таҕыста:
“Тапталга билинии “куонкурус балаһыанньата: https://mintrud.sakha.gov.ru/news/front/view/tag/informacziya+dlya+grazhdan/id/3319212
https://uprzags.sakha.gov.ru/news/front/view/id/3319276
«Кэлээскэлэр параадтара” куонкурус балаһыанньата: https://mintrud.sakha.gov.ru/news/front/view/tag/informacziya+dlya+grazhdan/id/3319208
Телеграм канал: https://t.me/mintrud_yakutia бэс ыйын 24 күнүнээҕи сонуҥҥа)
Бэлэмнээтэ Женни Стрюкова
Хаартыска — интэриниэт ситимиттэн.