Ыам ыйын 27 күнүгэр өрөспүүбүлүкэҕэ 111 киһи, ол иһигэр Дьокуускайга – 61 киһи коронавируснай инфекциянан ыалдьыбыта бигэргэннэ.
Ол иһигэр, Мэҥэ Хаҥаласка – 7, Чурапчыга – 6, Уус Алдаҥҥа – 5, Сунтаарга, Ньурбаҕа – 4-түү, Бүлүүгэ, Үөһээ Бүлүүгэ, Горнайга, Хаҥаласка, Нерюнгригэ – 3-түү, Өймөкөөҥҥө, Өлөөҥҥө – 2-лии, Аммаҕа, Намҥа, Дьааҥыга, Мииринэйгэ – 1-дии киһи ыалдьыбыт.
Өрөспүүбүлүкэтээҕи суһал ыстаап салайааччытын солбуйааччы Ольга Балабкина бэлиэтээбитинэн, Сунтаарга уонна Бүлүүгэ дьиэ кэргэнинэн сыстыһан ыалдьыы элбэх. Оттон Өлөөҥҥө ыалдьыбыт киһи сөмөлүөтүнэн көппүтүн түмүгэр, кини аттыгар олорбут дьон ыалдьыбыттар.
Онон, ыарыы тарҕанар улуустарыгар хааччахтыыр миэрэлэр күүһүрүөхтэрэ. Балаһыанньаны маассабай вакцинация эрэ быыһыыр кыахтаах диэн Ольга Балабкина бэлиэтээтэ.
Ангелина Васильева, «Саха сирэ» хаһыат, edersaas.ru
Хаартыска: