Ийэ сылынан Чурапчы улууһугар болҕомтону тардар бэртээхэй тэрээһиннэр ыытыллаллар.
Олортон биирдэстэринэн «Кыталык» оҕону сайыннарар киин «Дьиэ кэргэҥҥэ оҕону үлэнэн иитии үгэстэрэ» диэн видеонан ролигы устан, бэлэмнээн таһаарыыта буолла. Бу туһунан улуус дьаһалтатын пресс-киинэ иһитиннэрдэ.
Видеороликка оҕо кыратыттан туһалаан чугас дьонун үөрдүөҕүттэн, кинини ийэ, аҕа үтүө холобурдарынан иитии-такайыы туһунан билиһиннэриллэр. Өбүгэ үтүө үгэһэ хайдах салҕанан иһэрэ кэпсэнэр. Ролик кылгас эрээри олус истиҥ, туһалаах. Манна оҕолор төрөппүттэрин кытта бииргэ сылдьан дьиэ-уот, хаһаайыстыба үлэтигэр-хамнаһыгар көмөлөһөллөрө, итинэн кинилэр үлэлии үөрэнэллэрэ көрдөрүллэр. Бу туһалаах ролигы манна киирэн көрүөххүтүн сөп: https://youtu.be/3_dsAT8XHw4